Паглядзіце, якая мілата! Малюнкі пераможцаў конкурсу “Туркаўка і яе суродзічы”

Апошнія навіны,Навіны Беларусі ад 12 мая 2023 года

Напярэдадні Сусветнага дня пералётных птушак біялагічны факультэт Беларускага дзяржаўнага ўніверсітэта падвёў выніку конкурсаў малюнкаў і школьных выстаў, прысвечаных птушцы года.

Школьнікі і выхаванцы дзіцячых садкоў павінны былі намаляваць звычайную туркаўку і яе суродзічаў (іншых галубоў, якія жывуць у Беларусі – клінтуха, кольчатую туркаўку, вялікага і шызага галубоў), не забываючы пра відавыя адрозненні. Самай малодшай з пераможцаў усяго 4 гады!

Установы адукацыі маглі паўдзельнічаць у конкурсе выстаў з гэтымі малюнкамі. Пры вызначэнні пераможцаў ацэньвалася месца размяшчэння выставы, яе арыгінальнасць і колькасць наведвальнікаў.

У журы конкурсу ўвайшлі арнітолаг, намеснік дэкана біялагічнага факультэта БДУ Віталь Сахвон, арнітолаг, мастак Аляксандр Міцянін, арнітолаг Карына Федарынчык.

Прац на конкурс прыйшло шмат, таму ацэньваць было нялёгка, – кажа Аляксандр Міцянін. – Асабліва мне спадабаліся з мастацкага пункту гледжання працы ў катэгорыі 7-11 гадоў. Дзеці падышлі да справы творча: іх працы аказаліся насычаныя, запоўненыя – не проста аб’ект, а аб’ект у нейкім асяродку, з дэкаратыўнасцю, расліннасцю.

Пераможцы конкурсу малюнкаў у катэгорыі да 6 гадоў уключна

1 месца

“Сустрэча”. Данііл Супраў, Баранавічы. 6 гадоў. Кіраўнік-педагог Вольга Аляксандраўна Жалеская.

2 месца

Стэфан Пятроў, Слуцк. 5 гадоў.

Арсень Мураўёў, Слуцк. 6 гадоў. Дзіцячы садок № 11 г. Слуцка, кіраўнік-выхавацель Вольга Мікалаеўна Шыловіч.

3 месца

Арына Рэзава, Мінск. 6 гадоў. Дзіцячы садок № 232 г. Мінска

Аліса Пыліла, Слуцк. 4 гады. Кіраўнік Вольга Іванаўна Купчэня.

Элеанора Раманеня, Слуцк. 6 гадоў. Дзіцячы садок № 11 г. Слуцка, кіраўнік-выхавацель Людміла Генадзеўна Есіповіч.

Пераможцы конкурсу малюнкаў у катэгорыі 7-11 гадоў

1 месца

Арыядна Сыцько, Слуцк. 8 гадоў.

2 месца

Аляксандра Гурыновіч, Слуцк. 8 гадоў.

Надзея Бародзіч, Слуцк. 10 гадоў. Кіраўнік-педагог Крысціна Сяргееўна Жупранская.

3 месца

Эвеліна Куцалай, Слуцк. 7 гадоў.

Аліса Швалёва, Слуцк. 7 гадоў.

Юлія Елістратава, Слуцк. 7 гадоў. Кіраўнік-педагог Крысціна Сяргееўна Жупранская.

Пераможцы конкурсу малюнкаў у катэгорыі 12-17 гадоў

1 месца

Дзіяна Вялічка, Верхнядзвінск. 17 гадоў. Кіраўнік-педагог Святлана Сяргееўна Рынцэвіч.

2 месца

Даніла Кушаль, Слуцк. 15 гадоў. Кіраўнік Вольга Аляксееўна Шапавал.

Кацярына Палаўчэня, Слуцк. 15 гадоў. Кіраўнік Марына Валер’еўна Нікановіч.

3 месца

Валерыя Дзініна, Асіповічы. 15 гадоў. Сярэдняя школа № 3 г. Асіповічы, кіраўнік-педагог Святлана Генадзеўна Кочкіна.

Ксенія Гойшык, Дзяржынск. 14 гадоў. Кіраўнік-педагог Лілія Зінураўна Янсон.

Яўгенія Крапачова, Верхнядзвінск. 14 гадоў. Кіраўнік-педагог Святлана Сяргееўна Рынцэвіч.

Пераможцы конкурсу выстаў

1 месца заняла сярэдняя школа № 9 г. Слуцка, арганізатар – Жанна Аляксандраўна Валетка.

Выставу правялі ў холе школы, прычым было арганізавана шэсць тэматычных лакацый – «Туркаўка і яе суродзічы» і асобныя лакацыі, прысвечаныя кожнаму віду галубоў. На выставе працавалі 10 экскурсаводаў-навучэнцаў, сябраў клуба «Слуцкія салавейкі».

Дадатковыя актыўнасці для дзяцей праводзіліся ў гульнявой зоне. Шасцёра “Слуцкіх салавейкаў” былі адказнымі за правядзенне гульняў і ўручэнне сувеніраў.

Такі маштабны інтэрактыўны фармат дазволіў прыцягнуць на выставу шмат дзяцей і дарослых. Яе наведалі 492 навучэнцы школы, 42 педагагічныя работнікі, 12 тэхнічных работнікаў, 17 выхаванцаў дзіцячых садкоў і іх бацькі.

2 месца заняла сярэдняя школа № 137 г. Мінска імя Пятра Машэрава, арганізатар – Ірына Веніямінаўна Бірына-Паўлава, педагог дадатковай адукацыі.

Выстава ў сярэдняй школе № 137 г. Мінска імя Пятра Машэрава

Малюнкі размясцілі на вялікіх вокнах у школьным холе. Выставу наведала 600 чалавек!

3 месца ўзялі яслі-сад № 28 упраўлення сацыяльнага развіцця і ЖКГ ААТ “Беларуськалій”, арганізатар – выхавацель па выяўленчай дзейнасці 1 катэгорыі Анжэла Аляксандраўна Кудлакова.

Выстава ў яслях-садзе № 28 упраўлення сацыяльнага развіцця і ЖКГ ААТ “Беларуськалій”

Дзеці падрыхтавалі не толькі малюнкі, але і калажы, і самаробных птушак, а таксама знайшлі падчас прагулкі ў двары ясляў-саду месца гнездавання вялікага голуба – сваяка птушкі года!

Віншаванні пераможцам і дзякуй усім удзельнікам!